Digital Fragmenta Historicorum Graecorum (DFHG)

DFHG URN Retriever

221

TIMAEUS

221

TIMAEI FRAGMENTA

ΙΣΤΟΡΙΑΙ

ΙΣΤΟΡΙΑΙ
ΕΛΛΗΝΙΚΑ ΚΑΙ ΣΙΚΕΛΙΚΑ
LIBER XV
TIMAEI FRAGMENTA

114.

p. 221
Athenaeus II, 2, p. 37, B:Τίμαιος δὲ Ταυῤομενίτης ἐν Ἀκράγαντι οἰκίαν τινὰ φησὶ καλεῖσθαι Τριήρη, ἐξ αἰτίας τοιαύτης. Νεανίσκους τινὰς, ἐν αὐτῇ μεθυσκομένους, ἐς τοσοῦτον ἐλθεῖν μανίας, ἐκθερμανθέντας ἀπὸ τῆς μέθης, ὡς νομίζειν μὲν ἐπὶ τριήρους πλεῖν, χειμάζεσθαι δὲ χαλεπῶς κατὰ τὴν θάλασσαν· καὶ τοσοῦτον ἔκφρονας γενέσθαι, ὡς τὰ ἀπὸ τῆς οἰκίας πάντα σκεύη καὶ στρώματα ῥίπτειν, ὡς ἐπὶ τὴν θάλασσαν, τὴν ναῦν διὰ τὸν χειμῶνα ἀποφορτίξεσθαι δόξαν αὐτοῖς λέγειν τὸν κυβερνήτην. Συναθροιζομένων οὖν πολλῶν, καὶ τὰ ῥιπτόμενα διαρπαζόντων, οὐδ ̓ ὣς παύεσθαι τῆς μανίας τοὺς νεανίσκους. Καὶ τῇ ἐπιούσῃ τῶν ἡμερῶν, παραγενομένων τῶν στρατηγῶν ἐπὶ τὴν οἰκίαν, ἐγκλιθέντες οἱ νεανίσκοι ἔτι ωαυτιῶντες ἀπεκρίναντο πυνθανομένων τῶν ἀρχόντων, ὑπὸ χειμῶνος ἐνοχλούμενοι ἠναγκάσθαι ἀποφορτίσασθαι τῇ θαλάσσῃ τὰ περιττὰ τῶν φορτίων. Θαυμαζόντων δὲ τῶν στρατηγῶν τὴν ἔκπληξιν τῶν ἀνδρῶν, εἷς τῶν νεανίσκων, καίτοι δοκῶν τῶν ἄλλων πρεσβεύειν κατὰ τὴν ἡλικίαν, Ἐγὼ δ ̓, ἔφη, ἄνδρες Τρίτωνες, ὑπὸ τοῦ δέους καταβαλὼν ἐμαυτὸν ὑπὸ τοὺς θαλάμους, ὡς ἔνι μάλιστα κατωτάτω ἐκείμην. Συγγνόντες οὖν τῇ αὐτῶν ἐκστάσει, ἐπιτιμήσαντες μὴ πλείονος οἴνου ἐμφορεῖσθαι, ἀφῆκαν. Καὶ οἱ, χάριν ἔχειν ὁμολογήσαντες, ἄν λιμένος, ἔφησαν, τύχωμεν ἀπαλλαγέντες τοιούτου κλύδωνος, σωτῆρας ὑμᾶς ἐπιφανῶς μετὰ τῶν θαλασσίων δαιμόνων ἐν τῇ πατρίδι ἱδρυσόμεθα, ὡς αἰσίως ἡμῖν ἐπιφανέντας. Ἐντεῦθεν οἰκία Τριήρης ἐκλήθη. Narrat Timaeus Tauromenita, domum quandam Agrigenti vocatam fuisse Triremem, hujusmodi de caussa. Juvenes nonnulli, quum potui in ea se gnaviter dedissent, usque adeo dementes erant, ut in triremi navigare se crederent, gravique tempestate in mari jactari: tantumque de potestate mentis deciderunt, ut vasa domus omnia et stragula, quasi in mare, foras ejicerent, quum sibi viderentur imperium gubernatoris audire, dicentis, exonerandam esse navem tempestate afflictam. Confluentibus igitur multis, et projecta diripientibus, ne sic quidem cessavit juvenum insania. Postridie ejus diei, quum aedes illas adiissent praetores, decumbentes juvenes adhuc nauseabundi quaerentibus magistratibus responderunt, tempestate se vexatos coactosque fuisse sarcinas supervacuas in mare abjicere, navem ut levarent. Mirantibus praetoribus attonitum hominum stuporem, unus ex illis, qui major etiam natu ceteris videbatur, Ego, inquit, viri Tritones, metu consternatus, sub imo tabulato quam maxime licuit abditus jacui. Illi mentis alienationi ignoscentes objurgatos juvenes, monitosque ne postea vino se ingurgitarent, dimiserunt. Hi vero, gratiam se habere professi, dixere: Si portum attigerimus, tanto tempestatis periculo defuncti, vobis servatoribus, qui tam auspicato nobis apparuistis, in patria nostra juxta cum marinis diis statuas in publico loco dicabimus. Ita domui illi nomen Triremis mansit.

DFHG URN Retriever

The DFHG URN retriever is a tool for retrieving and citing passages and words in the Greek texts Fragmenta Historicorum Graecorum by typing the corresponding URN.

For example:

  1. Hellanicus fr. 1
    urn:lofts:fhg.1.hellanicus.hellanici_fragmenta.phoronis:1
  2. The citation of the beginning of Hellanicus fr. 1 (Ἑλλάνικος ὁ Λέσβιος τοὺς Τυῤῥηνούς φησι, Πελασγοὺς πρότερον καλουμένους, ἐπειδὴ κατῴκησαν ἐν Ἰταλίᾳ, παραλαβεῖν ἣν ἔχουσι προσηγορίαν)
    urn:lofts:fhg.1.hellanicus.hellanici_fragmenta.phoronis:1@ἑλλάνικος[1]-προσηγορίαν[1]

DFHG Project     Creative Commons License